فتاة موريتانية مدللة تنجو من الطلاق بطريقة ذكية (قصة طريفة باللهجة)

ثلاثاء, 27/04/2021 - 21:16

خالكه طفلة ماهي شينه ومتعدلة وعاد امعاها قريبها وهو يشتغل فالداخل ورحلها شور دارو احذ شغلتو .وهي ماتعرف المنصب ولاه اتبالي ولا هم الدار رابيه خاسره
اعط هو اشهر لول يشري لغده ولعشه وتمات الدار تخنز والكوزين إوسخ وهو يطلع امع اصباح ونكز ألا المغرب
تم انهار يتخمم إلين كال عن ذ ما إصح هي ماتبالي ولاتعرف ش عنو لاهي إخليها واكبظ تاقط واكتب فيها التخلية ودارها ف"آنفلوب"
إلين عاد طالع امع اصباح اطرحها اعل التلفزة وعاها اتكوم تكفل وراها وكالها:إلين توعاي راني اطرحت لك ش اعل التلفزة
كفلت هي اوراه وارجعت البيت اركاد وركدت إلين اوعات امشات شور التلفزة ادور تعرف ذ إللي اطرح اعليها شنهو.فتحتو ذ هوالها التخلية .
دفعت شور البوتيك واشرات آفلوب  وادارت فيه تاقط التخلية وردتها بل امنين اطرحها هو
واتحزمت وبلات ذيك الدار وصكلتها وكعدت اغداها وحكمت لو هو لغده
إلين عاد الدحميس اسحمت وابخرت الدار وعدلت حالتها
كر هو الفم فتحت عنو ادخل ذ هوالو الحال تقلب
وخرص التلفزة ذهو إللي أطرح مزال ابصيفتو واكبظها ودارها افلبنتو واتلات اتعمر وجابت لو اغداه  كالها ذ شنهو؟كالت لو ذاك اغداك.آن اليوم اص ألا ذهو آن مليت من اركاد وصكلت الدار وانصبت اغدانا
كالها الله إخليك لي إلين صبت الكاس لول كالت لو :الحكنيييي آن انسيت ماكبظت ذاك إللي اطحرت لي اعل التلفزة
كالها ذاك ماه خالك ألا ش كنت اندورك توعاي
سكتت هي وعادت امره مظبوطه وتعدل حالتها وعارفه ش لدارها
إلين عاد اور ذاك بسنة زايدة تم ليلة امع اصحابو إلين كالهم افلان ذ كط خليتها يغير ماكط علمت بيها كالت لو صرتك أل اعلمت بيها  يغير مامارگ في ذيك الجفة .(افلانه اتخلات ماهي عارفه ش الدارها )وان أهلي زاكلين في مالية   ولافاتو اتوحشوني .

عدلوها جوغه وظحكو وتوف ...

ومزال امعاها الحمد لله

من صفحة نكت البيظان والعرب ابناء حسان

       

بحث