هذه التدوينة مكتوبة بالعامية المصرية ،لكنها مفهومة للكثير من القراء الموريتانيين...

يقول كاتبها :

 

تواصل معي شخص محترم وقصّ عليّ موقفا عجيبا وغريبا جدا (( وغير متوقع )) 

 

شخص إسمه " هيثم " يمتلك سيارة جديدة ، واحتاج لبيعها من حوالي شهر بسبب حاجته للمال بشكل ضروري جدآ !!

 

سيارته موديل أوروبي .. وحالتها ممتازة تماما 

 

وكان بيعها بطيئا ،، بسبب إرتفاع الأسعار ووضع السوق السيء في الفترة الحالية .. فاضطر أن ينزل من سعرها بشكل كبير حتى يستطيع بيعها بشكل أسرع ( لضيق الوقت )

 

فيه عدد من الاشخاص شافو سيارة "هيثم" ... وناويين يخلصوا ويشتروها ،، وكان منهم تاجر سيارات ( فلوسه جاهزة ) وجدي جدا  

 

التاجر طلب أن يفحص السيارة في مركز فحص متخصص .. وفعلا راحوا مركز الفحص .. وأخذوا وقت طويل جدا ، وكان معاهم أحدث الأجهزة ... وفحصوا كل مسمار في السيارة .. لدرجة ان هيثم زهق من طول مدة الفحص .. ولكن بسبب الاحتياج انتظر بدون تذمر  

 

بعد ما خلصوا الفحص .. 

التاجر قال لهيثم = العربية ممتازة وحالتها جيدة فعلا كما وصفت ... وأنا جاهز وهشتري .. بس عايز أعرف حضرتك بتبيع سيارتك ليه ؟؟ 

 

هيثم = أنا بحب السيارة جدا ولسه شاريها ولم يمض وقت كبير كي افرح بها .. بس الظروف الغير متوقعة هي السبب ..بنتي لازم تعمل عملية غالية ضروري جدااااا .. وطبعا هي بالنسبالي أهم من كل شيء 

 

التاجر = علشان كده أنا مستغرب من سعرها بحالتها الممتازة فعلشان كده أخذت وقت في الفحص وبعتذرلك جدا .. فأنا سأشتريها بسعر السوق الحالي ... مش بالسعر اللي حضرتك طالبه .. 

 

هيثم زعل من رد التاجر الأخير ...وقاله = أنا والله قلت آخر سعر وأخفض سعر ..ومش هعرف أنزل في السعر اكثر من كده .. 

 

التاجر = مين قال اني عايز أنزل في السعر أصلا ؟؟ .. أنا هدفع 150.000 جنيه زيادة عن السعر اللي حضرتك طالبه !!

وبرضه هبيعها وهعرف اكسب فيها متقلقش .. انت امنزل سعرها وحرام عليّ لو اخذتها بهذا السعر.. ومش علشان ظروفك أستغلك ،، احنا عايزين ربنا يبارك لنا ، وممكن اكون مكانك في يوم من الأيام .. لن أنظر تحت قدميّ وانا لا أملك من رزقي شيئآ !!

هيثم كان مصدوما صدمة كبيرة وأحس أنه مش مستوعب الكلام الذي قاله التاجر ... ولم يكن موافقا على العرض ومحرج جدا جدا .. 

 

لكن بعد ضغط وإلحاح من التاجر.. إشتري من هيثم السيارة بسعر زائد عن المطلوب =ب 150.000 جنيه !!! ..

غير أن التاجر قال له = لما تتجاوز هذه المحنة وتطمئن على بنتك .. كلمني وطمني وسأحضر لك أجمل وأحلى سيارة ،ولا تحمل هم أي حاجة خالص 

هيثم يقولي لي : أول مرة أبكي كالاطفال بهذا الشكل .. وللأسف ما يتم تصويره عن المصريين في الافلام والمسلسلات والسوشيال ميديا حاجة ، والواقع حاجة تانية .. وفيه ناس كثير محترمة وطيبة وأولاد اصول بس مش ظاهرين .. 

 

وقال لي : أنا كنت أود أن أشكر هذا التاجر الجميل على الملأ ... ويعلم كل المصريين ... لكن التاجر طلب مني وحلف أن يبقى هذا سر بيننا وبين الله فقط (لتبقى النية صافية ١٠٠% لله) .. ويكفيه فقط الدعوات 

 

هيثم يطلب منكم جميعا أن تدعو لهذا التاجر ... ربنا يكثر من أمثاله ويبارك له ويصلح حاله 

 

قصة منقولة من الواقع المصري