قصة طريفة باللهجة السورية الجميلة..

ست كبيرة  طالعه بالباص عالشام..(الشام تعني العاصمة دمشق)
ع الطريق سألت الشوفير : وصلنا ع حمص ؟ 
قلا الشوفير : لا لسى
بعد شوي سألتو : وصلنا ع حمص ؟ قال : لا 

رجعت سألتو بعد شوي نفس السؤال ... رد عليها نفس الجواب .

ولما كررت السؤال كمان مره قالها الشوفير :
ياحجه لما نوصل ع حمص بخبرك 
قالتلو : طيب بس ما تنساني
قلها الشوفير : خلص وعد ما بنسى
ونامت الحجة . ونسي الشوفير
فاقت قريب النبك و قالت : وصلنا ع حمص .. ؟ 

قالها الشوفير : ياحجه قربنا نوصل الشام ...
والله نسيت نبهك لما وصلنا حمص لا تآخذيني ياحجة 
الحجة  : وين بتنصرف هي لا تآخذيني
انت وعدتني تنبهني لما نوصل حمص ... شو اعمل انا هلق
لازم ترجعني لحمص

الركاب تضامنوا معها لانو الشوفير هو الغلطان و طلبوا منو يرجع لحمص ... الزلمه اضطر يرجع 
وصلوا حمص قالولها : ياحجة هي حمص قومي نزلي
ردت: بس أنا رايحة عالشام ..

ليش بدي انزل بحمص

قلها  الشوفير : لكان ليش رجعتينا ع حمص
قالتلو: بنتي قالتلي بس توصلي ع حمص . خدي حبة الضغط ..

بالنسبة لحبة الضغط مابعرف إذا اخدتها . . ؟؟
 أما بالنسبة للركاب ٢٤ حالة ارتفاع ضغط . . 
٣ حالات احتشاء ...
٨ حالات اغماء ...
أما بالنسبة للشوفير فأخر  التقارير بتقول انو عبفيق بالليل ..بزلغط وبيرجع ينام ،يعني اتجنن