خالكَه طفلة ماهي شينه ومتعدلة وعاد امعاها قريبها وهو يشتغل فالداخل ورحلها شور دارو احذ شغلتو وهي ما تعرف المنصَب ولا اتبالي ولا ش من هَم الدار..رابيه خاسره

 

اعطَ هو اشهر لول يشري لغده ولعشه وتَمت الدار تخنز والكوزين إوسخ وهو يطلع امع اصباح وإنكز ألا المغرب.

 

تم انهار يتخمم إلين كَال عن ذ ما إصح هي ما تبالي ولا تعرف ش ءعنو لاهي إخليها واكَـبظ تاقط واكتب فيها التخلية ودارها ف"آنفلوب"

 

إلين عاد طالع امع اصباح اطرحها اعل التلفزة ءوّعّاها اتكَوم تكَفل وراهْ وكَالها: إلين توعاي أراني اطرحت لك ش اعل التلفزة

 

كَفلت هي اوراه ورجعت البيت اركاد وركدت إلين اوعات امشات شور التلفزة ادور تعرف ذ إللي اطرح اعليها شنهو.فتحت ذ هوالها التخلية .

 

دفعت شور البوتيك واشرات آنفلوب ودارت فيه تاقط التخلية وردتها بل امنين اطرحها هو

 

واتحزمت وبلات ذيك الدار وصكلتها وكعدت اغداها وحكمت لو هو لغده

 

إلين عاد الدحميس اسحمت وابخرت الدار وعدلت حالتها

 

كر هو الفم فتحت عنو ادخل ذ هوالو الحال اتقلب

 

وخرص التلفزة ذهو إللي أطرح مزال ابصيفتو واكبظها ودارها افلبنتو واتلات اتعمر وجابت لو اغداه كالها ذ شنهو؟كالت لو ذاك اغداك.آن اليوم اص ألا ذه يان مليت من اركاد واصكلت الدار وانصبت اغدانا

 

كالها الله إخليك لي إلين صبت الكاس لول كالت لو :الحكنيي آن انسيت ما كبظت ذاك إللي اطرحتلي اعل التلفزة

 

كالها ذاك ماه خالك ألا ش كنت اندورك توعاي

 

سكتت هي وعادت امره مظبوطه وتعدل حالتها وعارفه ش لدارها

 

إلين عاد اور ذاك بسنة زايدة تم ليلة امع اصحابو إلين كالهم افلانه ذي كط خليتها يغير ما كط علمت بيها كالت لو صرتك أل اعلمت بيها يغير ما مارگ فيّ ذيك الجفة .(افلانه اتخلات ماهي عارفه ش الدارها )وان أهلي زاكلين فيّ مالية اكبيرة ولافاتو اتوحشوني .

 

 

 

عدلوها جوغه وظحكو وتوف ...

 

 

 

ومزال امعاها الحمد لله

 

 

 

من صفحة نكت البيظان والعرب ابناء حسان