هل تحدثتم مع أشخاص ماتوا منذ فترة؟(إليكم قصة هذا الشاب الموريتاني)

اثنين, 12/10/2020 - 15:31

تعرفت اعل طفلة اعل افيس ومع مرور الزمن تحسنت علاقتن وعدت نتكلم معاها فيديو كل نهار

وخالك نهار تميت نتكلم معاه لين كاتلي انا ماشه نشرب وخلات تلفون تميت لين جاتني خته السقيرة اعل الفيديو كتله شحالك مزينك انت منهي كاتلي انا اسمي عيشة خت مريم واتكلمت معاي اشوي وامشات ,جات مريم كاتلي اياك ما احصرت عنك كتله مانلل انا كنت نتكلم مع اختك السقيره عيشةُ معيدلهَ, كاتلي انت اتجوق في ولل شنه كتله ما افهمتك كاتلي عيشة الهَ ظرك سنتين مرحومة كتلهَ شنه انا منكيفني كنت نتكلم معاه ظرك.

كاتلي أسمع ,انا اتكلمت مع امي فاخبارك وكاتلي انه تبق تجابر امعاك تعود اتجين انعتلك صورت عيشة يرحمه انشالله كتله يرحمه شنهي انا كنت نتكلم معاه ظرك كتله ايو راني جايكم الصبح .

تلفنت اعلي وعادت تسهدين اعلي بل الدار, كريت الباب فتحت عني امه كتله شحالك اياك لباس انا هو الشاب الي كلمتك مريم عني , كاتلي مريم منهي انت مجنون ,مريم هي او خته ماتو لهم سنتين ودمعو عينيه وكامت تبكي كمت انا نجري تميت نجري لين خبطتني وته ,حصرت اعلي الناس وكالولي انت امالك كتلهم انتوم تعرف اهل ذي الدار كالولي ذوك اهل محمد يحي يرحمهم انشالله ماتو كاملين افحادث كانو ساكنين فذيك الدار كتلهم انا كنت نتكلم مع مريم وامها وختهم السقيرة كامو وكالو هاذ مجنون حد ايكيس بيه الطب كالول مول الوته الي اخبطني كيس بيه الطب كامو وداروني في الوته كمت وكلت لمول الوته نكزني عنك انا ما امالي شي وانت منه كاع كالي انا محمد يحي بو مريم وعيشة.

 

منقول من الفيسبوك

       

بحث